14 мамырда Өскемен қаласының Ішкі Істер Департаментінің конференц-залында ЖИТС-тен қайтыс болғандарды еске алу күні декадасының шеңберінде ШҚО ЖИТС орталығының дәрігері А.С. Жанатаевамен  полиция қызметкерлері арасында акция өткізілді. Лекция оқылып, «АИТВ-жұқпасы әркімді жанап өтеді» атты бейнетаспа көрсетілді. ІІД қызметкерлері жұқпа қаупі туралы ескертіліп, қауіпсіздік тәртібі үйретілді.            Осы індетке ұшырағандарға тілектестік білдіріп, еске алуға қатысқандардың әрқайсысына  қызыл лента таратылды. Оны суретші Франк Мур 1991 жылы ойлап тапқан. Соңында «АИТВ/ЖИТС пен өмір сүретін адамдарға мен қалай қараймын» атты тақырыпта құпия сауалнама жүргізілді.АИТВ/ЖИТС проблемасы тек медициналық емес, сонымен қатар әлеуметтік проблема екенін залдағылардың әрқайсысы түсінді.