17 қарашада Семей қаласының «Өрлеу» бизнес орталығында Дүниежүзілік ЖИТС-ке қарсы күніне арналған кампания шеңберінде жастардың флэшмобы өтті. Іс-шараның ұйымдастырушылары ҚЖИТСО, орталық саябақтың әкімшілігі және «Исток» ҚҚ. «Өрлеу» бизнес орталығының холлында флэшмоб басталмас бұрын ЖИТС орталығының мамандары қатысушылар мен көрермендерге лекция оқып берді. «Исток» ҚҚ-ның волонтерлері- педагогикалық және көлік колледждерінің студенттері жастар әніне билеп берді.  Флэшмоб «Мен, АИТВ-тің алдын алу үшін» ұранымен аяқталды. Іс-шараның мақсаты: жастардың назарын өз денсаулығына ұқыпты  қарау екеніне аудару және АИТВ-пен күресу күштерін бірлестіру.