3-ші қараша күні Семей қаласының құрылыс колледжінде № 6 АМСК және қалалық ЖИТС Орталығының мамандары бірлесіп медицина жайында семинар өткізді. Бұл семинар мәселесінің бірі  республикада міндетті әлеуметтік медициналық сақтандыру жүйесін енгізу. МӘМС не үшін керек? МӘМС-дың  жүйесі қандай ? Қорға аударылатын аударымдар мен жарналар қалай жүргізіледі? Мемлекет кім үшін төлейді? Бұл туралы семинарда студенттер мен оқытушыларға түсіндірілді.   МӘМС азаматтарды уақтылы, қол жетімді, сапалы медициналық және дәрілік көмекпен қамтамасыз етеді. МӘМС-дың енгізілуі денсаулық сақтау жүйесінің қаржылық тұрақтылығын қамтамасыз етіп қаражатты мұқтаж адамдарға қайта бөлуге мүмкіндік береді. Мұндай тәсіл денсаулықты қорғау үшін мемлекет, жұмыс беруші және азаматтар арасындағы жауапкершілікті талап етеді. МӘМС –дың енгізілуі жан-жақты қағидалармен, әлеуметтік әділеттік және ынтымақтастықпен қамтамасыз етеді.   Заңда қорға жарналар төлеуден босатылатын азаматтардың 15 санаты белгіленді. Соның ішіне күндізгі оқу нысанында білім алып жатқан тұлғалар кіреді. «Яғни, біз әзірше студент болғандықтан, жарнаны мемлекет төлейді »- деп колледж студенттері қорытынды шығарды.