2015 жылдың 1 қарашасында «Семей қаласының ЖИТС алдын алу және күрес жөніндегі орталығы» ШЖҚ КМК профилактика бөлімінің меңгерушісі Қ.А.Қонысбаева және «Жан ұя» ҚҚ психологы Н.А.Қуандықова бірлесіп Жакия Шайжүнісов атындағы Электрондық колледжінің 1 курс оқушыларына « АИТВ/ЖИТС туралы көп біл» тақырыбында тренинг өткізді.Тренинг барысында оқушыларға АИТВ- жұқпасы жөнінде анық ақпарат берілді. АИТВ/ЖИТС проблемасына қызығушылық тудыруға және практикалық дағдыларды, дұрыс шешім қабылдау шеберліктерін қалыптастыруға арналған жаттығулар жасалды. Тақырып бойынша роликтер және « АИТВ/ЖИТС көңіл аудар» атты фильм көрсетілді. Тренинг АИТВ/ЖИТС проблемасына қызығушылық тудырып, белсенді түрде өтті. Колледж оқушылары осы проблема туралы өз ойларымен бөлісті.
